(LIDYO) Ereyo Leh Macne Isku Liddi Ah

Afsoomaaliga waxaa ku jira ereyo isku dhawaaq ah oo isku dhigaal ah, oo isla halkii erey ah oo leh laba macne oo iska soo horjeeda, cagsi isku ah yaysan badnaanba e, ereyada noocaasa Afsoomaaliga hadda kumay soo biirin, balse sida illaa hadda muuqata cid hore wax uga qortay ama uga hadashay ma jirto ogaalkay. Ereyadu waxay yeeshaan micne kala duwan, ama isu dhaw, arrinta aan ka hadlayaa waa ereygii oo yeesha laba micne oo iska soo horjeeda gebi ahaanba.
Ereyada noocaasa oo tiraba aa haddeer ururiyay 9 erey, inta looga helayo magac guud oo la isku raacay, waxaan usii bixinayaa LID wadartooduna tahay LIDYO. Halkan hoose ka dheeho

 

1.CAYNAB
Faras caddaana oo danbisi xigeen ah
Faras madaw dhuxuliya ah

2.SENGE 
Faras dhufaanan
Faras aan la dhufaanin ; qoodh ah

3.DIRAAC
Xilli barwaaqo ah
Xilli abaar ah

4.JIILAAL
Xilliga u dhexeeya Diseembar  –  maaraj
Xilliga u dhexeeya Juun – Ogoosto

5.GABADH
Marwada la qabo
Inanta aan weli la guursan

6.MUKHAALAFO
Is afgarad iyo wadajir
Khilaaf

7.ISKADHAL
Qof ay iska dhaleen laba waalid oo kala jinsiyad duwan sida (Soomaali & Hindi)
Qof ay iska dhaleen laba waalid oo xigaalo ah

8.BACADLE
Ganacsade cadceedda iyo bacadka ku gada alaabaha, sida kaariyoonlayaasha
Ganacsade wax ku iibiya hangar ama hool weyn oo hadh leh, bacadna aan arag

9.HIMISE
Waa iftiinka yar ee diciifka ah marka waagu dillaaco illaa inta fallaadhaha cadceeddu kasoo muuqanayaan
Waa iftiinka yar ee diciifka ah marku qorraxdu dhacdo illaa inta aasku madoobanayo

 

W.Q Abdirahman Barre (AB)

Advertisements

Magacyada iyo Noocyada Fardaha


Gammaan
waa magaca guud ee la isku yidhaahdo (fardaha,dameeraha,baqlaha,farowga )

 

Mawduucan waxaan kaga hadlayaa
noocyada fardaha xagga midabbada iyo magacyadooda .

fardaha  aad bay Soomaalidu u jeclayd waagii hore , waayo waxay ahaayeen xoolaha ugu qaalisan , iyo gaadiidka koobaad .
Aaggaa nugaal ayaana ahayd  meesha ugu fardaha badan dhulka Soomaliyeed , halkaas oo loosoo doonan jiray fardaha noocyadooda kala duwan .
Fardahihii ku noolaa geyiga Soomaaliyeed waxay ahaayeen 7 nooc oo lagu saleeyay midabbadooda .

 

Midabbada Fardaha Continue reading